2021-yilning 31-mart kuni O‘zDJTU markaziy binosida Dasturiy mahsulotlar va axborot texnologiyalari texnologik parki (IT PARK) bilan hamkorlikda Forsayt inkubatsiya va akseleratsiya markazining ochilish marosimi bo‘lib o‘tdi.

Markazning ochilish marosimida Axborot texnologiyalari va kommunikatsiyalarini rivojlantirish vazirligi, Oliy va o‘rta maxsus ta’lim vazirligi, Toshkent shahar hokimligi, dasturiy mahsulotlar va axborot texnologiyalari texnologik parki vakillari, faxriy mehmonlar va faol qiziquvchi yoshlar ishtirok etishdi. 
Markaz maqsadi — chet tillarni o‘qitish va ta’lim yo‘nalishida sog‘lom startap ekotizimini yaratish, qolaversa, biznes g‘oya va ilmiy innovatsion ishlanmalarni saralash, iste’dodlarni kashf qilish va ularni qo‘llab-quvvatlash, ta’lim va ishlab chiqarishda mavjud muammolarga innovatsion yechim topishga ko‘maklashish. Shuningdek, yoshlar orasida startap loyihalarga qiziqishni o‘yg‘otish hamda ular orqali ta’lim va ishlab chiqarish integratsiyasini ta’minlash.

Ўзбекистон давлат жаҳон тиллари университетида 30-март куни Битирувчиларининг тадбиркорликка жалб этиш, дастлабки ишга  тақсимот жараёни, битирувчиларни тегишли меъёрий хужжатлар билан таништириш, Карьера куни онлайн - иш берувчиларнинг таклифлари ҳамда талаблари, қолаверса бутун Республикамиз, вилоятлар, Қорақалпоғистон Республикаси миқёсидвги мавжуд бўш иш ўринлари бўйича ҳам малумотлар билан танишиш мақсадида Zoom платформасида “Битирувчилар ярмаркаси” онлайн  коференция ташкил этилди.  
Конферецияда  Потенциал иш берувчилар (истеъмолчилар), Ипак Йўли банки Амалиёт бошқармаси,  Тақсимот комиссияси, ОАВ вакиллари,  мутахассис ҳодимлар, устоз-мураббийлар қатнашишди ва университет битирувчилари ҳамда вилоятлардаги керакли маълумотларни беришди.

Bugun 10-aprel kuni, O‘zbekiston davlat jahon tillari universitetida  “Xorijiy tillarni o‘qitishda baholash: yutuqlar, muammolar va yechimlar” mavzusidagi xalqaro ilmiy-amaliy konferensiyasining 2-kuni, tajriba, fikr almashish  va mahorat darslari boshlandi.

Konferensiyada respublikamizning 12 viloyatidan oliy, o‘rta maxsus va xalq ta’limi tizimida faoliyat yuritayotgan 100dan ortiq malakali chet tili o‘qituvchilari, ilmiy tadqiqotchilar, shuningdek, AQSh elchixonasining ta’lim va madaniyat masalalari bo‘yicha maslahatchisi Joan Kramb, AQShlik 20dan ortiq ingliz tili mutaxassislari, Gyote instituti va boshqa bir qator xalqaro tashkilotlar hamda xorijiy universitetlar vakillari ishtirok etmoqda.

Konferensiya 2021-yil 9-10 aprel kunlarida O‘zbekiston Respublikasi Oliy va o‘rta maxsus ta’lim vazirligi, O‘zDJTU, Chet tillarni o‘qitishning innovatsiyaviy metodikalarini rivojlantirish Respublika ilmiy-amaliy markazi va AQShning O‘zbekistondagi elchixonasi hamkorligida tashkil etilmoqda.

Бугун, 15- апрель куни Ўзбекистон Давлат Жаҳон тиллари университети,  Халқаро журналистика факультетида  2-4-босқич талабалари ўртасида «Амалиёт эътирофи-2021» иқътидорли талабаларни тақдирлаш маросими ташкил этилди.

Тадбирда Ўзбекистон давлат жаҳон тиллари Университети ўқув ишлари бўйича проректор Баҳром Гулямович маросимни кириш сўзи билан очиб берди ва  факультетнинг келгуси фаолиятига улкан зафарлар тилади. 

Ўзбекистон Давлат Жаҳон тиллари университети  Халқаро журналистика факультети декани - Каримов Амрулло Ашурович юртимизда пандемия бўлишига қарамай, факультет доирасида эришилган ютуқларнинг йил сарҳисоби ҳақида тўхталиб ўтди,  натижанинг юқорилигидан мамнун эканлигини билдирди. Талабалар ва битирувчи талабаларнинг келгусидаги ишларига ривож ва баркамоллик тилаган ҳолда уларга катта ишонч билдирди.  
Ушбу «Амалиёт эътирофи» тақдирлаш маросимида Халқаро журналистика факультети битирувчиси Жасур Тожибоевнинг журналистика ва медиадизайн соҳасида илк интерактив китоб деб ҳисобланган «Медиадизайн ва маълумотлар визуализацияси асослари» номли  китоб тақдимоти ҳам бўлиб ўтди ва бу китоб ҳақида ўз касбининг мутахассислари ва маросимига ташриф буюрган меҳмонлар томонидан эътироф этилди. Бу китобнинг яралиши ҳақиқий эътирофга лойиқлиги ва журналистиканинг айнан медиадизайн соҳасида илк бор ўқув – амалий қўлланма яратишда жонбозлик кўрсатган  Жасурбек Тожибоевни кун қаҳрамони, йил ва амалиёт эътирофига лойиқ - деб баҳолашди.   

Шу билан бир қаторда «Амалиёт эътирофи» тақдирлаш маросимида ўз ижодий ишлари билан қатнашган талабалар университет ҳамда меҳмон такшикилотлар, нашриётлар мутасаддилари томонидан эсдалик совғалари билан тақдирланишди. «Амалиёт эътирофи - 2021» юқори кайфият, кўтаринки руҳда давом этди ҳамда ажойиб хотиралар билан барчанинг хотирасига муҳрланиб қолди.