29-noyabr kuni O‘zDJTUda “To‘maris izdoshlari” nomli milliy tanlovining fakultetlararo universitet bosqichi o‘tkazildi. 

Unda talaba-qizlar 4 ta shart bo‘yicha o‘zaro bellashishdi. “Tanishtiruv”, “Vatanparvarlikni madh etuvchi sahna ko‘rinishi yoki videorolik”, 100 metrga yugurish bo‘yicha “Sport bilan hamnafasmiz”, “Erkin mavzu” shular jumlasidandir.

Tanlov shartlari bo‘yicha talaba-qizlarning chiqishlari Uchtepa tuman Ichki ishlar xodimlari faoliyatini muvofiqlashtiruvchi bo‘lim mas’ullari tomonidan baholab borildi.

Tanlov yakunida ishtirokchilar 3 ta faxrli o‘rin hamda nominatsiyalar bilan taqdirlanishdi. 
1-o‘ringa Tarjimonlik fakulteti; 
2-o‘ringa Ingliz tili 3-fakulteti, 
3-o‘ringa Rus filologiyasi fakulteti;
talaba qizlari sazovor bo‘ldi.

Tanlov talaba-qizlarning ongida tariximiz, milliy an’analarimiz va urf-odatlarimizga chuqur hurmat va ehtiromini yuksaltirish, doimo yurt uchun qayg‘urish, sadoqat, vafodorlik, yuksak vatanparvarlik tuyg‘usini shakllantirish, hayotda doimo g‘alabaga intilish va yuksak vatanparvarlik tuyg‘usini shakllantirish, qat’iyat, iroda va shukronalik hamda o‘z Vataniga va ilm-fanga bo‘lgan mehr-sadoqat hissini oshirishga xizmat qildi. Bu esa talaba-qizlar tomonidan taqdim etilgan sahna ko‘rinishlar hamda videoroliklarda o‘z ifodasini topdi.