29-yanvar kuni O‘zbekiston davlat jahon tillari universitetida “Talant shou” tadbiri doirasida “Milliy qo‘shiqlar” turi bo‘yicha ijodiy tanlov o‘tkazildi. 

Talabalar o‘zlarining noyob qobiliyatlari mahorat bilan ijro etib namoyish etdilar.

Tadbirning bosh maqsadi – yoshlarning iste’dodini keng ommaga tanitish va ularni yangi marralarga ilhomlantirish bo‘ldi. Ishtirokchilar orasidan eng yorqin va zukko iqtidor egalari tanlab olindi. 

Tadbir so‘ngida tashkilotchilar iqtidorli yoshlarga ko‘maklashish va ularni qo‘llab-quvvatlash borasidagi keyingi rejalari bilan o‘rtoqlashdilar. Shu bilan birga, talabalarning vaqtini mazmunli o‘tkazish uchun yangi loyihalar boshlanganligi haqida xabar berildi.