14-noyabr kuni O‘zbekiston davlat jahon tillari universitetida talabalar va yoshlarni teatr san’atiga qiziqishlarini yanada oshirish, bo‘sh vaqtlarini mazmunli o‘tkazish hamda iste’dodli talabalarni kashf etish maqsadida "Biz giyohvandlikka qarshimiz!" shiori ostida o‘tkazilayotgan "Talabalar teatr studiyalari" tanlovining "Rektor kubogi" bosqichi bo‘lib o‘tdi.

Tadbirda quyidagi fakultetlar faol qatnashdilar:

- Ingliz tili 2-fakulteti
- Sharq filologiyasi fakulteti
- Ingliz tili 3-fakulteti
- Ingliz filologiyasi fakulteti
- Roman-german filologiyasi fakulteti
- Tarjimonlik fakulteti
- Rus filologiyasi fakulteti
- Ingliz tili 1-fakulteti
- Xalqaro jurnalistika fakultetlari

Ikki kun davom etgan tadbir talabalarning o‘ziga xos sahna ko‘rinishi bilan ko‘tarinki ruhda o‘tdi. Tanlovda hakamlar hay’ati orasida O‘zbekiston San’at va madaniyat instituti professori, teatr va kino aktyori Jumanov Isoqtoy Muhammadovich ham ishtirok etdi.

Tadbir natijalari quyidagicha bo‘ldi:

1-o‘rin: Roman-German fakultetining "Ko‘zmunchoq" jamoasi
2-o‘rin: Ingliz tili 1-fakultetning "Kibrli boylar" jamoasi
3-o‘rin: Tarjimonlik fakultetining "Turon" jamoasi

G‘olib jamoalar maxsus diplom hamda quyidagi pul mukofotlari bilan taqdirlandilar:

1-o‘rin — 5 million so‘m,
2-o‘rin — 4 million so‘m,
3-o‘rin — 3 million so‘m.

Ta’kidlash joizki, tanlovda ishtirok etgan har bir fakultet jamoalari o‘z rollarini mahorat bilan ijro etishdi va tomoshabinlarning olqishlariga sazovor bo‘lishdi.