O‘zbekiston davlat jahon tillari universitetida ta’lim asosan o‘zbek va rus tillarida olib boriladi. Abituriyentlar tanlagan ta’lim yo‘nalishiga qarab ta’lim tilini tanlash huquqiga ega. Vazirlar Mahkamasining 2008-yil 4-avgustdagi 169-sonli “O‘zbekiston Respublikasi ta’lim muassasalariga xorijiy fuqarolarni qabul qilish va ta’lim tizimini takomillashtirish to‘g‘risida”gi qaroriga muvofiq, o‘zbek yoki rus tillarini yetarli darajada bilmaydigan xorijiy abituriyentlar tayyorlov til kurslarida o‘qishlari shart. Ushbu kurslar barcha qabul qilinayotgan talabalarning tanlangan ta’lim dasturi tilida darslarni o‘zlashtirishga munosib tarzda tayyorlanishini ta’minlash uchun mo‘ljallangan.
Universitet qoshida 1991-yilda tashkil etilgan Respublika til o‘rgatish markazi talabalarning mavjud bilim darajasidan kelib chiqqan holda davomiyligi turlicha bo‘lgan (3, 5 yoki 10 oylik) intensiv tayyorlov til dasturlarini taklif etadi. Mazkur kurslarning maqsadi talabalarni bakalavriat dasturlariga qabul qilinish uchun minimal talab hisoblangan o‘zbek yoki rus tillari bo‘yicha kamida B1 darajasidagi bilim bilan ta’minlashdan iborat.
Ushbu kurslarni muvaffaqiyatli tamomlagan talabalarga ularning til bilish darajasini tasdiqlovchi sertifikat beriladi. O‘zbekiston hududidan tashqarida o‘zbek yoki rus tili bo‘yicha bilim darajasiga ega bo‘lgan xorijiy abituriyentlar til bilish darajasini aniqlovchi test sinovidan o‘tishlari talab etiladi. Testdan muvaffaqiyatli o‘tgan taqdirda, ularga ham to‘g‘ridan-to‘g‘ri o‘qishga qabul qilinish huquqini beruvchi sertifikat taqdim etiladi.
Yuklab olish 
