2026-08-26 05-44 Teshabayeva Dilfuza Muminovna yangi lavozimga tayinlandi
Teshabayeva Dilfuza Muminovna O‘zbekiston davlat jahon tillari universitetining “Media va kommunikatsiya” kafedrasi mudiri lavozimiga tayinlandi.
Tayinlovga qadar u universitetning “Medialingvistika va kommunikatsiya” kafedrasi mudiri lavozimida faoliyat yuritgan.
Dilfuza Teshabayeva 1966-yil 15-mayda Farg‘ona viloyati Oltiariq tumanida tug‘ilgan. 1990-yilda Farg‘ona davlat pedagogika institutini, 2000-yilda O‘zbekiston davlat jahon tillari universitetini tamomlagan.
Filologiya fanlari doktori (DSc), professor. Uzoq yillik ilmiy-pedagogik faoliyati davomida universitetning turli kafedralarida o‘qituvchi, dotsent va kafedra mudiri lavozimlarida faoliyat yuritgan.
Yangi lavozimida Dilfuza Teshabayevaga muvaffaqiyat va samarali faoliyat tilaymiz!
MEHNAT FAOLIYATI
1984–1994 yy. — Farg‘ona viloyati, Oltiariq tumani 37-sonli o‘rta maktab o‘qituvchisi.
1994–1998 yy. — O‘zbekiston davlat jahon tillari universiteti aspirantura bo‘limi katta ilmiy xodimi.
1999–2001 yy. — O‘zbekiston davlat jahon tillari universiteti Ommaviy axborot vositalari tili va uslubi kafedrasi katta o‘qituvchisi.
2002–2004 yy. — O‘zbekiston davlat jahon tillari universiteti Ommaviy axborot vositalari tili va uslubi kafedrasi doktoranti.
2004–2009 yy. — O‘zbekiston davlat jahon tillari universiteti Ommaviy axborot vositalari tili va uslubi kafedrasi katta o‘qituvchisi.
2009–2010 yy. — O‘zbekiston davlat jahon tillari universiteti Ommaviy axborot vositalari tili va uslubi kafedrasi dotsenti.
2010–2013 yy. — O‘zbekiston davlat jahon tillari universiteti Madaniyatlararo aloqalar, tahrir va adabiyotshunoslik kafedrasi dotsenti.
2013–2017 yy. — O‘zbekiston davlat jahon tillari universiteti Jahon adabiyoti va adabiyotshunoslik kafedrasi mudiri.
2017–2021 yy. — O‘zbekiston davlat jahon tillari universiteti Ikkinchi chet tilini intensiv o‘qitish kafedrasi mudiri.
2021-yil – hozirgi vaqtgacha — O‘zbekiston davlat jahon tillari universiteti Medialingvistika va kommunikatsiya kafedrasi mudiri.
