Umumta’lim maktablari bilan hamkorlik samarali davom etmoqda

2026-yil 27-mart kuni O‘zbekiston davlat jahon tillari universiteti Ingliz tilini o‘qitish metodikasi №1 kafedrasi o‘qituvchisi Juraboyeva Gulmira tomonidan Toshkent shahridagi 104-sonli umumta’lim maktabi ingliz tili o‘qituvchilari uchun master-klass tashkil etildi.

Mazkur master-klass “Ways to Improve 11th Grade Pupils’ Learning and Motivation” mavzusiga bag‘ishlandi.

Tadbir davomida quyidagi muhim yo‘nalishlar atroflicha yoritildi:
 • o‘quvchilarda ichki motivatsiyani shakllantirish usullari;
 • zamonaviy interaktiv metodlar (debate, role-play, project-based learning);
 • individual yondashuv va differensial ta’lim tamoyillari;
 • baholashning zamonaviy usullari (formative assessment, samarali feedback berish);
 • raqamli vositalardan foydalanish (Quizlet, Kahoot, Canva va boshqalar).

Master-klass jarayonida ishtirokchilar o‘zaro tajriba almashib, quyidagi xulosalarga kelishdi:
 • o‘quvchilarning motivatsiyasi o‘qituvchining pedagogik yondashuviga bevosita bog‘liq;
 • interaktiv metodlar dars samaradorligini sezilarli darajada oshiradi;
 • rag‘batlantiruvchi va ijobiy ta’lim muhitini yaratish muhim ahamiyat kasb etadi;
 • har bir o‘quvchining individual ehtiyojlarini hisobga olish zarur.

Mazkur master-klass o‘qituvchilar uchun amaliy va metodik jihatdan foydali bo‘lib, unda ilgari surilgan tavsiyalar kelgusida ta’lim jarayonini yanada samarali tashkil etishga xizmat qiladi