“Qalqon” jamoasi a’zolari bilan uchrashuv bo‘lib o‘tdi

2026-yil 19-yanvar kuni O‘zbekiston davlat jahon tillari universitetida universitetning “Qalqon” jamoalari bilan Yoshlar masalalari va ma’naviy-ma’rifiy ishlar bo‘yicha prorektor Valijon Sa’diyev boshchiligida uchrashuv bo‘lib o‘tdi.

Uchrashuvda O‘zDJTU profilaktika katta inspektori, mayor Sherboyev Sanjar Tillaqobilovich hamda xotin-qizlar masalalari bo‘yicha inspektor Madina Nurmuxamedova Xasanovna ishtirok etdi.

Tadbir davomida “Qalqon” jamoasi a’zolari bilan huquqbuzarliklarning oldini olish, talaba-yoshlar o‘rtasida intizomni mustahkamlash, xavfsizlik qoidalariga rioya etish hamda ma’naviy-ma’rifiy ishlarni yanada kuchaytirish masalalari muhokama qilindi.

Shuningdek, uchrashuvda talabalar o‘rtasida sog‘lom muhitni shakllantirish, ijtimoiy-huquqiy muammolarning oldini olish va “Qalqon” jamoalarining faoliyatini yanada takomillashtirish bo‘yicha tegishli tavsiyalar berildi.

Tadbir yakunida ishtirokchilar tomonidan ko‘tarilgan masalalar yuzasidan aniq vazifalar belgilab olindi.