“Sen aziz va muqaddassan, muqaddas ayol” – O‘zDJTUda 8-mart bayram tadbiri bo‘lib o‘tdi!

Bugun O‘zbekiston davlat jahon tillari universitetida 8-mart – Xalqaro xotin-qizlar bayrami munosabati bilan bayram tadbiri bo‘lib o‘tdi. Tadbir Ingliz filologiyasi fakulteti tomonidan tashkil etilib, unda universitetning barcha fakultetlaridan ayol professor-o‘qituvchilar, xodimlar va talaba-qizlar ishtirok etishdi.

Tadbirni universitet Ilmiy ishlar va innovatsiyalar bo‘yicha prorektori Yusupov Otabek Yakubovich ochib berib, universitet rektorining bayram tabrigini o‘qib eshittirdi.

Bayram tadbirida mashhur san’atkorlar, O‘zbekistonda xizmat ko‘rsatgan artist Ravshan Komilov, VIA Marokand guruhi, Afruza va boshqa estrada yulduzlari ishtirok etdi. Ular o‘z kuy-qo‘shiqlari bilan barcha universitet xodimalarini tabriklashdi.

Shuningdek, iqtidorli talaba-qizlar tomonidan ijro qilingan raqslar hamda Glier nomidagi Respublika ixtisoslashtirilgan musiqiy akademik litseyi o‘quvchilarining chiqishlari bayramga yanada fayz bag‘ishladi.

Tadbir yakunida faol ishtirok etgan talabalar hamda san’atkorlarga minnatdorlik bildirilib, universitet tomonidan tashakkurnomalar taqdim etildi.

Bayram tadbiridan so‘ng barcha universitet xodimalariga universitet tomonidan bayram sovg‘alari ulashildi.

Bugun O‘zbekiston davlat jahon tillari universitetida 8-mart – Xalqaro xotin-qizlar bayrami munosabati bilan bayram tadbiri bo‘lib o‘tdi. Tadbir Ingliz filologiyasi fakulteti tomonidan tashkil etilib, unda universitetning barcha fakultetlaridan ayol professor-o‘qituvchilar, xodimlar va talaba-qizlar ishtirok etishdi.

Tadbirni universitet Ilmiy ishlar va innovatsiyalar bo‘yicha prorektori Yusupov Otabek Yakubovich ochib berib, universitet rektorining bayram tabrigini o‘qib eshittirdi.

Bayram tadbirida mashhur san’atkorlar, O‘zbekistonda xizmat ko‘rsatgan artist Ravshan Komilov, VIA Marokand guruhi, Afruza va boshqa estrada yulduzlari ishtirok etdi. Ular o‘z kuy-qo‘shiqlari bilan barcha universitet xodimalarini tabriklashdi.

Shuningdek, iqtidorli talaba-qizlar tomonidan ijro qilingan raqslar hamda Glier nomidagi Respublika ixtisoslashtirilgan musiqiy akademik litseyi o‘quvchilarining chiqishlari bayramga yanada fayz bag‘ishladi.

Tadbir yakunida faol ishtirok etgan talabalar hamda san’atkorlarga minnatdorlik bildirilib, universitet tomonidan tashakkurnomalar taqdim etildi.

Bayram tadbiridan so‘ng barcha universitet xodimalariga universitet tomonidan bayram sovg‘alari ulashildi.