O‘zbekiston davlat Jahon tillari universiteti Fransuz tili amaliy fanlar kafedrasi tashabbusi bilan fransiyalik mutaxassis, shoir va professor Lyuk Dallarmellina ijodiga bag‘ishlangan ijodiy-ma’rifiy tadbir bo‘lib o‘tdi. Unda muallifning “Biz daraxtlar, so‘zlaymiz” (“Nous les arbres”) nomli she’riy asari talabalarning sahnaviy ijrosida namoyish etildi.

Tadbirni universitet rektori I.M. Tuxtasinov ochib berdi.
O‘z nutqlarida u yoshlarning ekologik masalalarni chuqur anglab, ularni fransuz tilida erkin, ravon va badiiy uslubda ifodalaganidan mamnun ekanligini bildirdi. Shuningdek, xorijiy mutaxassis bilan bevosita ishlash imkoniyati talabalar til madaniyatining yanada yuksalishiga xizmat qilayotganini alohida ta’kidladi.

-Tadbirda shuningdek:
 - Fransuz tili amaliy fanlar kafedrasi mudiri P. Nishonov,
 - Toshkentdagi Fransuz Alyansi vise-prezidenti Adrian Ugelar,
 - Alyansning boshqa vakillari,
 - professor-o‘qituvchilar va talabalar ishtirok etdi.

Professor Lyuk Dallarmellina boshchiligidagi talabalarning ijrosi o‘ziga xos teatr-elementlar bilan boyitilgan bo‘lib, unda besh qit’adagi daraxtlarning “tilidan” ekologik voqeliklar ifodalandi.

Asarda quyidagi global muammolar yoritib berildi:

 Osiyo — suv tanqisligi va o‘rmonlarning qisqarishi

 Afrika — iqlim o‘zgarishi va tuproq degradatsiyasi

 Shimoliy Amerika — sanoat ta’siri va o‘rmon yong‘inlari

 Janubiy Amerika — Amazon o‘rmonlarining yo‘qolib borishi

 Yevropa — urbanizatsiya va daraxtlarning kamayishi

 Avstraliya — qurg‘oqchilik va yong‘in xavfi

Bu badiiy chiqish inson va tabiat orasidagi bog‘liqlikni his etishga, ekologik ongni kuchaytirishga xizmat qildi.

Tadbir yakunida rektor I.M. Tuxtasinov professor Lyuk Dallarmellinaga universitet hayoti va talabalarning ijodiy jarayoniga qo‘shgan hissasi uchun minnatdorlik bildirdi.

Ushbu uchrashuv talabalar uchun nafaqat ijodiy zavq, balki ekologik mas’uliyat va chet tilida erkin fikrlash ko‘nikmalarini chuqurlashtiruvchi bebaho tajriba bo‘ldi.