O‘zbekiston davlat jahon tillari universiteti Kengashining 5-son yig‘ilishi bo‘lib o‘tdi

2025-yil 25-dekabr kuni O‘zbekiston davlat jahon tillari universitetida Kengashning 5-son yig‘ilishi tashkil etildi. Yig‘ilishda universitetning dolzarb masalalari, ta’lim jarayoni, ilmiy-tadqiqot ishlari, xalqaro hamkorlik va professor-o‘qituvchilar faoliyati muhokama qilindi.

Rektor Ilxomjon Tuxtasinov yig‘ilishda O‘zbekiston Respublikasi qonunlari, Prezident farmonlari, qaror va farmoyishlar, Hukumat qarorlari va farmoyishlari, Oliy ta’lim, fan va innovatsiyalar vazirligi hay’ati qarorlari, universitet apparat kengashi yig‘ilishi bayonlari va buyruqlari, universitet tomonidan bajariladigan vazifalar, shuningdek jismoniy va yuridik shaxslar murojaatlari bilan ishlash holati haqida ma’lumot berdi va bularning samarali bajarilishi muhimligini ta’kidladi.

Yig‘ilishda eng muhim masalalar qatorida:
 1. Huquqiy va tartib masalalari – universitet va davlat hujjatlariga rioya qilish, ichki tartibni ta’minlash va murojaatlar bilan ishlash holati.
 2. Xorijiy xizmat safarlari – professor-o‘qituvchilar va talabalarni xorijiy davlatlarga yuborish tartibi, safar davomida universitet sha’ni va mamlakat obro‘sini saqlash, xalqaro akademik muhitda mas’uliyat va intizomni ta’minlash.
 3. 2025/2026 o‘quv yilida qabul natijalari – bakalavriat va magistratura qabulining yakuniy natijalari, talabalarning ro‘yxati va moliyaviy masalalar.
 4. Ijro intizomi va o‘quv jarayonini tashkil etish – ilmiy tadqiqotlar, ma’naviy-ma’rifiy ishlar va moddiy-texnik ta’minot bo‘yicha belgilangan vazifalarning bajarilishi yuzasidan hisobot.
 5. Ilmiy izlanishlar va dissertatsiyalar – mustaqil izlanuvchilar va tayanch doktorantlarning PhD va DSc dissertatsiyalari hamda ilmiy rahbarlar bilan bog‘liq masalalar.
 6. 2026-yilga ilmiy va innovatsion ish rejasi – universitetning ilmiy-tadqiqot ishlari va innovatsiyalar bo‘yicha rejalari tasdiqlanishi.
 7. Talabalar va magistrantlarning tayyorgarligi – iqtidorli talabalar va bitiruvchi kurslar uchun ilmiy-tadqiqot faoliyatini tashkil etish rejasi.
 8. Monografiyalar va nashrlar – professor-o‘qituvchilar tomonidan tayyorlangan ilmiy asarlarning nashrga tavsiya qilinishi.
 9. Kadrlar va ilmiy unvonlar masalalari – professor va dotsent ilmiy unvonlarini berish, yangi lavozimlar bo‘yicha tanlov va qo‘shimcha haq olish tartiblari.

Boshqa masalalar sifatida ichki tartib va tashkiliy hujjatlar, ta’lim jarayonidagi o‘zgarishlar, universitetning axborot-resurs markazi va boshqa tashkiliy masalalar ko‘rib chiqildi.

Yig‘ilish davomida barcha masalalar yuzasidan tegishli qarorlar qabul qilindi va ularning amalga oshirilishi nazoratga olindi.