“SEUL Eko” bog‘ida bo‘sh ish o‘rinlari mehnat yarmarkasi bo‘lib o‘tdi

Toshkent shahrida ishsiz fuqarolarni ish bilan ta’minlash maqsadida “SEUL Eko” bog‘ida mehnat yarmarkasi tashkil etildi. Unda Toshkent shahar hokimi birinchi o‘rinbosari Baxtiyor Xaydarov, shuningdek, shaharda faoliyat yuritayotgan 35 ta yirik ishlab chiqarish korxonalari ishtirok etdi.\

O‘zbekiston davlat jahon tillari universiteti ham mazkur tadbirda faol ishtirok etdi. Universitet rektori Ilxomjon Tuxtasinov mehnat yarmarkasida qatnashib, 650 nafar bitiruvchi talabalarning ish beruvchi tashkilotlar bilan muloqot qilishiga ko‘maklashdi.

Tadbir davomida talabalar o‘z yo‘nalishlari bo‘yicha ish beruvchilar bilan suhbat olib borib, mehnat bozoridagi imkoniyatlar bilan yaqindan tanishdilar. Bu esa yosh mutaxassislarning kasbiy rivojlanishi va kelajakda ishga joylashishi uchun muhim tajriba bo‘ldi.