“Yosh kitobxon” tanlovining 2024-2025-yilgi mavsum g‘oliblariga Prezident sovg‘asi topshirildi!

Eng quvonarli jihati, g‘oliblarning barchasi qizlar! Bu esa qizlarga berilayotgan e’tibor, ularning bilimga chanqoqligi va kitobga bo‘lgan qiziqishi ortayotganligini ko‘rsatadi.

Xaldurdieva Oguljeren, O‘zbekiston davlat jahon tillari universiteti Ingliz filologiyasi fakulteti 2309-guruh talabasi, 2024-2025 o‘quv yilida Rektor stipendiyasi sohibasi, davlatimiz rahbari tashabbusi bilan tashkil etilgan “Yosh kitobxon” tanlovining respublika bosqichida 15-19 yosh toifasida ishtirok etib, 340,3 ball bilan 1-o‘rinni qo‘lga kiritdi! G‘olib sifatida unga Prezident sovg‘asi – BYD Chazor elektromobili tantanali ravishda topshirildi.

Taqdirlash marosimida O‘zDJTU rektori Ilxomjon Tuxtasinov ham ishtirok etdi, talaba Oguljerenni samimiy tabriklab, uning ota-onasiga minnatdorchilik bildirdi.

Bu yutuq Oguljerening kitobga bo‘lgan mehr-muhabbati, bilimga intilishi va fidoyiligining yorqin isbotidir. Uni ushbu yuksak natijasi bilan chin dildan muborakbod etamiz va kelgusi faoliyatida ulkan muvaffaqiyatlar tilaymiz!