O‘zbekiston davlat jahon tillari universitetida ilmiy dissertatsiya himoyasi bo‘lib o‘tdi

4-aprel kuni O‘zbekiston davlat jahon tillari universiteti huzuridagi ilmiy darajalar beruvchi DSc.03/30.12.2019. Fil.27.01 raqamli Ilmiy kengashning 2-son majlisi bo‘lib o‘tdi.

Kun tartibiga muvofiq, Dong Linan tomonidan 10.00.04 – Evropa, Amerika va Avstraliya xalqlari tili va adabiyoti ixtisosligi bo‘yicha tayyorlangan “Xitoy Amerika diasporasi adabiyoti va uning Emi Tan ijodiga ta’siri” mavzusidagi filologiya fanlari bo‘yicha falsafa doktori (PhD) ilmiy darajasini olish uchun yozilgan dissertatsiyasi himoyasi o‘tkazildi.

Dissertatsiyasi himoyasida O‘zDJTU rektori, prof. Ilxomjon Tuxtasinov, Ilmiy kengash a’zolari, rasmiy opponentlar va universitetning boshqa mas’ullari ishtirok etdi.

Mazkur dissertatsiyada Xitoy-Amerika adabiy aloqalari, emigrant adabiyoti rivoji va Emi Tan ijodining diasporaviy o‘ziga xosliklari tahlil qilingan. Ilmiy himoya jarayonida mutaxassislar mazkur tadqiqotning dolzarbligi va nazariy-amaliy ahamiyatiga alohida e’tibor qaratishdi.

Ilmiy kengash a’zolari taqdim etilgan dissertatsiyani yuqori baholab, ilmiy daraja berish masalasini ko‘rib chiqdilar.