2-noyabr O‘zbekiston xalq shoiri Aleksandr Faynberg tavallud topgan kun munosabati bilan 1-noyabr kuni O‘zbekiston davlat jahon tillari universiteti tomonidan shoirning Adiblar xiyobonida joylashgan haykali yonida xotira kechasi o‘tkazildi.

Aleksandr Faynberg hayoti va ijodiga bag‘ishlangan tadbirda shoirning yaqinlari, yozuvchi va shoirlar, universitetning Yoshlar masalalari va ma’naviy-ma’rifiy ishlar bo‘yicha birinchi prorektori Valijon Sa’diyev, universitet rahbariyati vakillari va talabalar ishtirok etdi. Tadbir avvalida shoir haykali poyiga universitet jamoasi tomonidan  gul qo‘yildi.

Shuningdek, Aleksandr Faynberg nomidagi maxsus stipendiya sohiblari va iqtidorli talabalar tomonidan shoir ijodiga bag‘ishlangan chiqishlar namoyish etildi, shoir ijodidan eng go‘zal she’rlar o‘qildi.