O`zDJTU Xalqaro jurnalistika fakulteti Siyosiy fanlar kafedrasi tomonidan joriy yilning 30-31 may kunlari ZAMONAVIY EKOLOGIK SIYOSAT: MILLIY TAJRIBADAN GLOBAL YECHIMGACHA mavzusida xalqaro ilmiy-amaliy anjuman o’tkazilishini ma’lum qilamiz.

Anjumanda quyidagi masalalar muhokama qilinadi:

1-sho‘ba. Ekologiya sohasidagi xalqaro hamkorlik: muammo va yechimlar;

2-sho‘ba. Ekologik siyosat va iqtisodiy aloqalar: xalqaro tajriba va istiqbol;

3-sho‘ba. Ekologik siyosatning ijtimoiy jihati: ekologik savodxonlik, fuqarolar va mahalliy hamjamiyat faolligini oshirishning dolzarb masalalari;

4-sho‘ba. Zamonaviy ekologik siyosatning xalqaro huquqiy asoslari: ijtimoiy-siyosiy va qiyosiy tahlil.

Anjuman materiallarini rasmiylashtirishga qo`yiladigan talablar:

Maqola, tezis materiallari o‘zbek (lotin alifbosida), rus, ingliz, nemis, frantsuz, ispan va turk tillarida qabul qilinadi.

Maqola hajmi 3 betdan 5 betgacha, 1,5 intervalda (chapdan 3 sm, yuqori va pastdan 2 sm, o‘ng tomondan 1,5 sm, varaq bichimi A4 formatda, 210x297mm), Microsoft Word muharririda, matnlar Times New Roman, 14 o‘lchamli shriftda. Mavzu bosh harflarda qoraytirilib, varaqning o‘rtasiga yoziladi, keyingi qatorlarga muallifning ismi-sharifi, ilmiy darajasi yoki ilmiy unvoni, ish joyi, telefon raqami, elektron pochta manzili kursiv holatda yoziladi.

Maqola ichidagi havolalar “[1]” kabi tartibda belgilanadi. Jadvallar, grafiklar va turli diagrammalarni rasm shaklida joylashtirilishi zarur. Maqola so‘ngida foydalanilgan adabiyotlar ro‘yxati foydalanish ketma-ketligi bo‘yicha yozilishi kerak.

Maqola faylini nomlashda shoʻba raqami va muallif familiyasi yoziladi. (Masalan: 4.Usmanov S.doc)

Anjuman materiallari 2025-yil 15-may kuniga qadar siyosiyfanlar@mail.ru elektron pochta yoki https://t.me/siyosiy_fanlar_konf telegram manzili orqali qabul qilinadi.

Tashkiliy qo‘mita maqolalarni tanlab olish huquqiga ega. Yuqoridagi talablarga javob bermaydigan va ilmiy yondashilmagan maqolalar toʻplamga kiritilmaydi hamda mualliflarga qaytarilmaydi. Tahrir hay’ati tomonidan nashrga tavsiya etilgan maqola va tezislar chop etiladi.

Konferensiyaga taqdim etilgan materiallar Google Scholar tizimlarida indeksatsiyalanadi (Raqamli obyekt identifikatori (DOI) beriladi).

To‘plamga kiritilgan har bir maqola uchun 150.000 (bir yuz ellik ming) so‘mdan to‘lov qabul qilinadi.

Murojaat uchun tel.: +998903229209.