O‘zbekiston davlat jahon tillari universiteti vakili Buyuk Britaniyada xizmat safarida bo‘lib qaytdi

O‘zbekiston davlat jahon tillari universitetida Davlat ilmiy-tadqiqot dasturlari rejasi asosida bajarilayotgan IL-27-4722022413-son innovatsion loyiha doirasidagi ilmiy tadqiqot ishlarini amalga oshirish maqsadida Jahon adabiyoti kafedrasi mudiri, professor Xalliyeva Gulnoz Iskandarovna Buyuk Britaniyada xizmat safarida bo‘lib qaytdi.

Mazkur ilmiy safar davomida quyidagi natijalarga erishildi:

-London Queen Mary Universityda IL-27-4722022413-son innovatsion loyiha doirasida yaratilgan kitoblar, “Komparativistika” elektron platformasi va “Komparativistika” jurnali taqdimoti o‘tkazildi. Talabalar uchun dars mashg‘ulotlari tashkil etildi.
-28-29 mart kunlari Glazgo shahrida bo‘lib o‘tgan xalqaro Scopus konferensiyasida ma’ruza bilan ishtirok etildi va sertifikat olindi. Mazkur anjumanda Jahon adabiyoti kafedrasi professor F. Sapayeva va katta o‘qituvchi F. Mannonova ham onlayn ishtirok etishdi.
-Britaniya kutubxonasiga prof. G. Xalliyevaning to‘rt tilda yaratilgan “Qiyosiy adabiyotshunoslik” o‘quv qo‘llanmasi taqdim etildi. Edinburgh Milliy kutubxonasining 100 yillik tantanali tadbirida ishtirok etildi.
-London Queen Mary University professori Galin Tixanov va London Universiteti, Art san’at va gumanitar fanlar fakulteti professori Anna Ponomareva tomonidan O‘zDJTU talabalari uchun Jahon adabiyoti fanidan beg‘araz dars berildi. Bundan tashqari, investitsiya kiritish va akademik hamkorlikni yo‘lga qo‘yish borasida kelishuvlarga erishildi.
-St Andrews universitetining Jahon adabiyoti kafedrasi professorlari bilan hamkorlik o‘rnatildi. Bu universitetda mavjud “akademik oila” tizimi – yuqori kurs talabalari tomonidan birinchi bosqich talabalariga murabbiylik qilish tizimi o‘rganildi. Talabalarga topshiriqlar mediabazasi va mustaqil ta’lim tizimi bilan tanishildi.
-Jahon adabiyoti durdonalaridan biri bo‘lgan “Garri Potter” asarining Edinburgh shahrida yaratilish tarixi bo‘yicha qiziqarli tafsilotlar o‘rganildi.
-Buyuk Britaniyada rivojlangan kraudsorsing texnologiyasi bo‘yicha malaka oshirilib, ushbu tajribalar asosida Jahon adabiyoti fanidan ilmiy loyiha ishlab chiqildi.

Tez orada o‘rganilgan ilg‘or tajribalar universitet va kafedra faoliyatiga tatbiq etilishi rejalashtirilgan.