“FILOLOGIYA MASALALARI” ILMIY METODIK JURNAL

O‘zbekiston Respublikasi Oliy va oʻrta maxsus ta’lim vazirligi, Oʻzbekiston davlat jahon tillari universiteti muassisligidagi “Filologiya masalalari” ilmiy-uslubiy jurnali 2002-yildan boshlab bir yilda toʻrt marotaba e’lon qilinadi (19.12.2002-y., Guvohnoma № 80 bosma nashr sifatida); 02.02.2007-yil qayta ro‘yxatdan o‘tkazildi (Guvohnoma № 0222).  2007-yil 25-aprelda Parijda ISSN International Centre tomonidan ISSN:1994-4233 raqamli xalqaro sertifikat taqdim etildi.

Oʻzbekiston Respublikasi Vazirlar Mahkamasi huzuridagi Oliy attestatsiya komissiyasi Rayosatining 2015-yil 20-martdagi № 214/2-sonli qaroriga asosan “Filologiya masalalari” ilmiy-metodik jurnali 10.00.00 – Filologiya fanlari  yoʻnalishi boʻyicha doktorlik dissertatsiya natijalarini chop etish uchun moʻljallangan yetakchi ilmiy jurnallar qatoriga kiritildi.

Oʻzbekiston Respublikasi Vazirlar Mahkamasi huzuridagi Oliy attestatsiya komissiyasi Rayosatining 2015-yil 22-dekabrdagi № 219/5-sonli qaroriga asosan “Filologiya masalalari” ilmiy-metodik jurnali 13.00.00 – Pedagogika fanlari yoʻnalishi boʻyicha doktorlik dissertatsiya natijalarini chop etish uchun moʻljallangan yetakchi ilmiy jurnallar qatoriga kiritildi.

2019-yildan boshlab Amerika Qo‘shma Shtatlarining xalqaro Digital Object Identifiers (DOI) fondi tomonidan ro‘yxatga olindi va jurnalda e’lon qilinadigan har bir maqola uchun maxsus DOI: 10.36078 raqami berildi.

2019-yil xalqaro ma’lumotlar bazasi hisoblanuvchi Scientific Journal Impact Factor (SJIF) tomonidan 7.593 impakt faktor taqdim etildi.

2020-yil 14-iyulda O‘zbekiston Respublikasi Prezidenti Administratsiyasi huzuridagi Axborot va ommaviy kommunikatsiyalar agentligi tomonidan elektron jurnal sifatida ro‘yxatga olindi (Guvohnoma № 1089) va E-ISSN:2181-1237 elektron sertifikat taqdim etildi.

2020-yil xalqaro ma’lumotlar bazasi hisoblanuvchi Scientific Journal Impact Factor(SJIF) tomonidan 7.151 impakt faktor taqdim etildi.

OAK Rayosatining 2020-yil 30-iyuldagi 283/7.1-son qaroriga asosan jurnalda ingliz tilida chop etilgan maqolalar xorijiy ilmiy nashrlarda chop etilgan ilmiy maqolalarga tenglashtirildi.

2021-yil 25-yanvarda xalqaro Directory of Research Journals Indexing (DRJI) ilmiy bazasida indekslandi. 

2021-yil 22-oktabrda xalqaro Advanced Sciences Index (ASI) ilmiy bazasida indekslandi.

2021-yilda xalqaro ma’lumotlar bazasi hisoblanuvchi Scientific Journal Impact Factor (SJIF) tomonidan 6.069 impakt faktor taqdim etildi.

Oʻzbekiston davlat jahon tillari universiteti rektorining 2022-yil 20-iyundagi №-179-sonli buyrugʻiga asosan “Filologiya masalalari” elektron ilmiy-metodik jurnalida e’lon qilinadigan maqolalarni antiplagiat dasturida muntazam tekshirish tartibi joriy etildi.

«O’ZBEKISTONDA XORIJIY TILLAR» ILMIY-METODIK ELEKTRON JURNAL

“O’zbekistonda xorijiy tillar” (FLEDU.UZ) nomli elektron ilmiy-metodik jurnal va Internet portali — virtual muhitda chet tilini o’rganuvchilar uchun zarur axborot va bilimlarni beradigan, til o’rgatuvchi mutaxassislar uchun zamonaviy, yangi til o’qitish metodikalarini taqdim etadigan, o’zaro kasbiy muloqot hamda tajriba almashishga qaratilgan o’ziga xos akademik platforma hisoblanadi. “O’zbekistonda xorijiy tillar” ilmiy-metodik elektron jurnali mamlakatimizda gumanitar sohadagi ilk elektron ilmiy nashr.

“O’zbekistonda xorijiy tillar” nomli kasbga oid elektron jurnal va Internet portali O’zbekiston Respublikasi Vazirlar Mahkamasining 2013 yil 16 oktyabrdagi № 283-son qaroriga asosan tashkil etilgan.

Oʼzbekiston Respublikasi Oliy attestatsiya komissiyasining dissertatsiyalar asosiy ilmiy natijalarini chop etishga tavsiya etilgan ilmiy nashrlar ro’yxatida mavjud.

Jurnalning vazifasi – lingvodidaktikaning holati, rivojlanish istiqbollari, xorijiy tillarni o’qitish metodikasi, nazariy lingvistika, tarjimashunoslik, adabiyot va madaniyat, jurnalistika haqida o’quvchilarga tezkor ma’lumotlarni yetkazib beradi. Gumanitar sohani ommalashtirish, olimlarning ilmiy izlanish va tadqiqot natijalarini e’lon qilish uchun o’ziga xos maydon taqdim etadi hamda axboriy faoliyatni amalga oshiradi.

Jurnal foydalanish uchun ochiq.  Jurnalning e’lon qilingan sonlari tarkibi va maqola matnlari saytning “Arxiv” ruknida erkin foydalanish uchun ikki xil: veb sahifa va kitob ko’rinishida joylashtirilgan.

https://fledu.uz/uz/