“Ilhom” mukofoti tanlovi bo‘yicha saralash bosqichi boshlanmoqda

O‘zbekiston Respublikasi Oliy ta’lim, fan va innovatsiyalar vazirligining 2025-yil 27-martdagi 118-sonli buyrug‘iga muvofiq, oliy ta’lim tashkilotlarida tahsil olayotgan va faoliyat yuritayotgan yoshlar o‘rtasida “Ilhom” mukofoti tanlovi e’lon qilindi.

Tanlovning maqsadi: shoir va yozuvchilarning hayoti hamda ijodini chuqur o‘rganish, talabalarda adabiyotga qiziqishni oshirish, kitobxonlik madaniyatini rivojlantirish va vatanparvarlik tuyg‘ularini yuksaltirish.

Tanlov tartibi:
 • Dastlabki saralash bosqichi universitetda tashkil etiladi.
 • Saralash sinovlari oshkoralik va shaffoflik tamoyillari asosida, amaldagi Nizomga muvofiq o‘tkaziladi.
 • Eng yuqori ball to‘plagan uch nafar nomzod asosiy bosqichda ishtirok etish uchun tavsiya etiladi.
 • Nomzodlarning hujjatlari universitet rektorining taqdimnomasi asosida tegishli tashkiliy qo‘mitaga yuboriladi.

Tanlovda ishtirok etishni istagan talabalar oʻz fakultetining Yoshlar bilan ishlash bo‘yicha dekan muovinlariga murojaat qilishlari so‘raladi.