Aleksandr Faynberg

Aleksandr Faynberg – O‘zbekiston xalq shoiri. O‘zbekistonning she’riy ufqida u, hech qanday mubolag‘asiz, eng yorqin yulduzlardan biridir. U ko'p qirrali ijodkor edi. Toshkent, Moskva va Sankt Peterburgda nashr etilgan o‘n uchta she’riy to‘plam muallifi. 2004-yilda adabiyot rivojiga qo‘shgan hissasi uchun Aleksandr Faynberg “O‘zbekiston xalq shoiri” faxriy unvoni bilan taqdirlangan bo‘lsa, oradan 4 yil o‘tib Rossiya Federatsiyasi Davlat mukofoti – Pushkin medali bilan taqdirlangan. U oʻn beshta sheʼriy toʻplam (jumladan, muallif oʻlimidan soʻng tuzilgan ikki jildlik kitob), shuningdek, ssenariysi asosida toʻrtta badiiy va yigirmadan ortiq animatsion filmlar muallifi. Alisher Navoiy va boshqa zamonaviy oʻzbek shoirlarining sheʼrlarini rus tiliga tarjima qilgan. Aleksandr Faynbergning she'rlari mahalliy "Smena", "Yoshlik", "Yangi Dunyo", "Sharq Yulduzi", "Yangi Volga" jurnallarida, shuningdek, sobiq ittifoq, Kanada va Isroilning davriy nashrlarida nashr etilgan. U “Ko‘m -ko‘k osmon ostida”, “Qaynoq quyosh ostidagi uy”, “Qandahorda kuyganlar” kabi yirik filmlar uchun yettita ssenariy yozgan, shuningdek, 18 ta animatsion filmlar ssenariysi muallifi. Ajoyib tarjimon Aleksandr Faynberg rus kitobxonlarini mashhur o‘zbek shoirlarining ko‘plab asarlari bilan tanishtirdi. Aleksandr Faynbergning tarjimon sifatida rus xalqini milliy adabiyotimiz bilan yaqindan tanishtirishdagi faolligi bizni  befarq qoldirmaydi.Shu boisdan shoir ijodini o‘rganish, uning asarlarini ingliz va o‘zbek tillariga tarjima qilish bizning tarjimonlik fakulteti talabalari oldidagi dolzarb vazifalardan biri hisoblanadi.