Ingliz tili 2 fakulteti 3- kursida tahsil olayotgan 225 nafar talabalari ayni paytda poytaxtimizdagi taʼlim muassasalarida malakaviy pedagogik amaliyotlarini oʻtamoqda. 

Ulardan 28 nafari Toshkent shahar Uchtepa tumani 62-sonli umumtaʼlim maktabi hamda 30 nafar talaba “Wise school” maktabida amaliyot darslarini olib bormoqda. 7-fevral kuni talabalar tomonidan ochiq darslar tashkil etildi. 

Ingliz tili 2 fakulteti, Boshlangʻich taʼlimda ingliz tili kafedrasi mudiri Muxtorov Muhiddin mazkur ochiq darslarda ishtirok etib, talabalarning dars jarayonini kuzatib bordi. Maktab rahbariyati ham olib borilayotgan ochiq darslarni kuzatib bordi va ijobiy baholadi.