12-dekabr kuni O'zDJTU Ingliz tili 1-fakultetida “Leadership, Publishing, and AI in English Teaching” mavzusida seminar-trening tashkil etildi. 

Dastur O'zDJTU va AQSH elchixonasi bilan hamkorlikda universitet professor-o'qituvchilari, oliygoh huzuridagi pedagog kadrlarni qayta tayyorlash va malakasini oshirish tarmoq markazi tinglovchilari va doktorantlar uchun o'tkazildi.

Seminar davomida ingliz tilini o'qitishda sun'iy intellektdan foydalanish, ilmiy nashr qilish va boshqaruvchanlik boʻyicha xorij ekspertlari tomonidan zarur bilim-koʻnikmalar ulashildi. 

Yakunda anjuman ishtirokchilari va uni tashkil etishda yordam bergan volontyorlarga universitet rahbariyati va AQSH elchixonasi tomonidan sertifikatlar taqdim etildi.