OʻzDJTU Ilmiy ishlar va innovatsiyalar bo’yicha prorektori O.Yusupov va O’quv-uslubiy boshqarma boshlig’i Y.Azzamov Janubiy Koreyaning “Global Students International Exchange” Xalqaro Forum doirasida Jeju Milliy Universiteti, Jeju Halla Universiteti, Jeju Turizm Universitetlariga tashrif buyurdi. 

Forumda universitet vakillari O’zbekiston davlat jahon tillari universiteti haqida, shuningdek, “O’zbekiston oliy ta’lim tizimidagi islohotlar” mavzusida taqdimotlar bilan ishtirok etdi.

Dastur doirasida Koreya universitetlari bilan O‘zbekiston davlat jahon tillari universiteti o‘rtasida o’zaro hamkorlikni amalga oshirish, professor-o‘qituvchilar va talabalar almashinuvini yo’lga qo’yish, qo‘shma ta’lim dasturlarini tashkil qilish hamda xalqaro miqyosdagi seminar-treninglar, ilmiy-anjumanlar tashkil qilish masalalari yuzasidan kelishuvlarga erishildi.

Tashrif davomida Jeju Halla Universiteti prezidenti, Jeju Milliy Universiteti hamda Jeju Turizm Universitetlari Xalqaro hamkorlik bo’yicha prorektorlari bilan uchrashuvlar tashkil etilib, universitetlar o’rtasida Hamkorlik memorandumi loyihasi muhokama qilindi.