18-may kuni Toshent Botanika bog’ida Yevropa Ittifoqi va O’zbekiston  hamkorligining 30 yilligiga bag‘ishlangan Yevropa Ittifoqi festivali bo’lib o’tishi haqida xabar bergan edik. 

Mazkur bayram tadbirida O’zDJTU Marketing va talabalar amaliyoti boʻlimi boshligʻi B.Odilov, oliygoh mas’ullari va talabalari ham ishtirok etdi. 

Universitet vakillari boshchiligida talabalar festival doirasida tashkil etilgan ko’rgazmalar, tadbirlar, turli o’yinlar va viktorinalarda qatnashib, bir qancha esdalik sovg’alarini qo’lga kiritishdi. 

Shuningdek, festival so’nggida bo’lib o’tgan Gala-konsert namoyishini ham tomosha qilib, mashhur va iste’dodli san’atkorlar chiqishlari-yu kuy-qo’shiqlaridan bahramand bo’lishdi.