15-noyabr kuni  O‘zbekiston davlat jahon tillari universitetida 17-noyabr “Xalqaro talabalar kuni” munosabati bilan talabalar uchun konsert dasturi tashkil etildi.

Tadbirda O‘zbekiston davlat jahon tillari universiteti rektori Ilxomjon Tuxtasinov ishtirok etdi va tadbirni tabrik nutqi bilan ochib berdi.

“Xalqaro talabalar kuni” munosabati bilan tashkil etilgan tadbirda yoshlar uchun sevimli bo‘lgan aktyor Shoxnur Saydahmadov va “Botir Zokirov” nomidagi milliy estrada instituti havaskor qo‘shiqchilari mehmon bo‘lishdi. Shuningdek, tadbirda O‘zDTJU iqtidorli talabalari qo‘shiq va raqs chiqishlari  bilan ishtirok etishdi.

Universitet rahbariyati tomonidan tadbirga tashrif buyurgan mehmonlarga minnatdorchilik bildirildi hamda Tashakkurnoma taqdim etildi.

Tadbir so‘ngida, universitetda tashkil etilgan “Rektor kubogi” musobaqalarining Voleybol va Basketbol sport turlari bo‘yicha g‘olib topilgan jamoalarni taqdirlash marosimi bo‘lib o‘tdi. 1-o‘rinni egallagan jamoa Rektor stipendiyasi va g‘alaba kubogi bilan taqdirlandi.