“Dolzarb 90 kun” loyihasi doirasida yangi loyiha

O‘zDJTU Ingliz tili 3-fakultetida Endryu Staniland va 2-bosqich kafedrasi o‘qituvchilari hamkorligida iqtidorli talabalar uchun "Reading Club" loyihasi ish boshladi. 

Loyihaning asosiy maqsadi 2-bosqich talabalariga ingliz adabiyotini chuqur o‘rgatish, ularda matnlarni tahlil qilish va fikr almashish ko‘nikmalarini rivojlantirishdan iborat. 

Endryu Staniland o‘zining yangi loyihasi – "Allohga g‘azallar" nomli kitobi haqida so‘z yuritdi. U Navoiy g‘azallaridan Allohga murojaat shaklidagi 24 ta g‘azalni tanlab, ularni ingliz tiliga tarjima qilish ustida ishlamoqda.

Mashgʻulot jarayonlarida talabalar matnlarni so‘zma-so‘z tarjima qilish orqali bevosita faol ishtirok etadi, ularning har biriga alohida ustoz biriktiriladi. Har haftalik tahlillar esa Google Docs orqali olib boriladi.

Loyiha davomiyligi – 6 oy
 Kutilayotgan natijalar:
• O‘quvchilarning ingliz tilida o‘qish va tarjima qilish malakalarini rivojlantirish
• Fikrlarni erkin ifoda etishga o‘rgatish
• Adabiyotga qiziqishni oshirish. 

Bu loyiha talabalarning nafaqat til ko‘nikmalarini, balki ma'naviy tafakkurini ham boyitadi.