Yig‘ilish davomida universitet jamoasi uchun quvonchli voqealar ham bo‘lib o‘tdi

Yig‘ilish davomida universitet jamoasi uchun quvonchli voqealar ham bo‘lib o‘tdi.

Xususan, Tarjimonlik fakulteti “Arab tili tarjima nazariyasi va amaliyoti” kafedrasi katta o‘qituvchisi Ahmad Jasim Abbas Al-Zubaydi O‘zbekiston Respublikasi Prezidenti Farmoniga muvofiq “Mehnat shuhrati” ordeni davlat mukofoti bilan taqdirlangani munosabati bilan tantanali ravishda qutlandi. Mazkur yuksak mukofot ustozning ko‘p yillik samarali ilmiy-pedagogik faoliyati, arabshunoslik va tarjimashunoslik yo‘nalishlaridagi salmoqli hissasi hamda yosh mutaxassislarni tayyorlashdagi fidokorona mehnatining yuksak e’tirofi sifatida baholandi.

Shuningdek, Kengash qaroriga muvofiq Ahmad Jasim Abbas Al-Zubaydiga “O‘zbekiston davlat jahon tillari universiteti faxriy professori” unvoni berildi.

O‘zbekiston davlat jahon tillari universiteti Kengashi yig‘ilishi davomida ilmiy daraja olgan professor-o‘qituvchilarni taqdirlash marosimi bo‘lib o‘tdi.

Quyidagi professor-o‘qituvchilarga ilmiy daraja beruvchi diplomlar tantanali ravishda topshirildi:

Akbarov Azamat Akromjonovich – Sharq filologiyasi fakulteti “Koreys filologiyasi” kafedrasi o‘qituvchisi, filologiya fanlari bo‘yicha falsafa doktori (PhD).

Sarimsakova Dilafruz Muhammadjonovna – Ingliz filologiyasi fakulteti “Ingliz tili amaliy aspektlari” kafedrasi dotsenti, pedagogika fanlari doktori (DSc).

 Bozorov Abdusodiq Abdurayimovich – Ingliz tili 1-fakulteti “Pedagogika va psixologiya” kafedrasi katta o‘qituvchisi, psixologiya fanlari bo‘yicha falsafa doktori (PhD).

Taqdirlash marosimida ilmiy izlanishlar olib borayotgan professor-o‘qituvchilarning yutuqlari e’tirof etildi hamda ularga universitet rahbariyati tomonidan esdalik sovg‘alari topshirildi.