Dissertatsiya ishining ilmiy seminar muhokamasi bo‘lib o‘tdi

2026-yil 20-fevral kuni O‘zbekiston davlat jahon tillari universitetida 10.00.06 – Qiyosiy adabiyotshunoslik, chog‘ishtirma tilshunoslik va tarjimashunoslik ixtisosligi bo‘yicha “Ingliz va o‘zbek tillarida “Quvonch” va “Qayg‘u” konseptining lingvomadaniy xususiyatlari” mavzusidagi filologiya fanlari bo‘yicha falsafa doktori (PhD) ilmiy darajasini olish uchun taqdim etilgan dissertatsiyaning ilmiy seminar muhokamasi bo‘lib o‘tdi.

Dissertatsiya ishi ilmiy rahbar rahbarligida tayyorlangan bo‘lib, muhokama jarayonida rasmiy opponentlar ishtirok etdilar hamda tadqiqotning dolzarbligi, ilmiy yangiligi va nazariy-amaliy ahamiyati yuzasidan o‘z fikr-mulohazalarini bildirdilar.

Seminar davomida tadqiqot natijalari atroflicha tahlil qilindi, konseptlarning lingvomadaniy talqini bo‘yicha ilmiy bahs-munozaralar olib borildi hamda ishtirokchilar tomonidan berilgan savollarga izlanuvchi tomonidan batafsil javoblar taqdim etildi.