O‘zbekiston davlat jahon tillari universitetida PhD dissertatsiyasi himoyasi bo‘lib o‘tdi

4-aprel kuni O‘zbekiston davlat jahon tillari universiteti huzuridagi DSc.03/30.12.2019. Fil.27.01 raqamli Ilmiy kengashning 3-son majlisi bo‘lib o‘tdi. Unda Samandarova Sojida Furqat qizining filologiya fanlari bo‘yicha falsafa doktori (PhD) ilmiy darajasini olish uchun tayyorlangan dissertatsiya himoyasi o‘tkazildi.

Tadqiqot 10.00.04 – Yevropa, Amerika va Avstraliya xalqlari tili va adabiyoti ixtisosligiga oid bo‘lib, “Tomas Harris asarlarida qahramon badiiy psixologizmi” mavzusida yozilgan.

Himoya jarayonida O‘zbekiston davlat jahon tillari universiteti rektori Ilxomjon Tuxtasinov, rasmiy opponentlar hamda Ilmiy kengash a’zolari ishtirok etdi. Dissertatsiya muhokamasi davomida tadqiqotning dolzarbligi, ilmiy yangiligi hamda natijalarning amaliy ahamiyati atroflicha tahlil qilindi. 

Sojida Samandarova o‘z tadqiqotida Tomas Harris asarlaridagi obrazlar psixologiyasini badiiy tahlil qilish, qahramonlarning ruhiy kechinmalarini ifodalash vositalari hamda badiiy matn semantikasi kabi masalalarga e’tibor qaratgan.