Front Office bo'limi
 

Xizmat koʻrsatish (front office) boʻlimi menejerlarining vazifalari va talablari:

Talabalarga xizmat koʻrsatish sektori boʻyicha:

dars jadvallari haqida ma’lumot taqdim etish;

qayta oʻqish uchun fan guruhlariga ariza yuborishga yordam berish;

joriy oraliq va yakuniy nazoratlar toʻgrisida talabalarga ma’lumot taqdim etish;

akademik maʼlumotnoma va transkript berish;

imtihonlar roʻyxatini taqdim etish:

oʻqishni koʻchirish va qayta tiklash uchun ariza yuborishga yordam berish;

oliy taʼlim tashkilotlariga ikkinchi taʼlimga kirish uchun onlayn ariza topshirishga yordam berish;

oliy taʼlim tashkilotlarining magistratura bosqichiga kirish uchun onlayn ariza topshirishga yordam berish;

talabaga oʻzining GPA koʻrsatkichi haqida maʼlumotnoma taqdim etish;

talabalarning “HEMIS” axborot tizimidagi parolini tiklash;

talabalarga tibbiy sugʻurta olish uchun yordam berish;

oʻqishga qabul va oʻqishni koʻchirish yuzasidan konsultatsiya berish;

oliy taʼlim tashkilotida mavjud turli xizmatlar va resurslar haqida maʼlumot berish;

Ilmiy va innovatsion faoliyat boʻyicha xizmat koʻrsatish sektori boʻyicha:

Grantlar, loyihalar va tanlovlar haqida maʼlumot berish;

ilmiy loyihalar toʻgʻrisida konsultatsiya berish;

oliy taʼlim tashkiloti tomonidan tashkil etilayotgan ilmiy konferensiya, seminar va boshqa ilmiy-innovatsion tadbirlarni talabalar orasida ommalashtirish;

talabalarga ilmiy toʻgaraklar haqida maʼlumot berish hamda amaliy yordam koʻrsatish.

Xalqaro aloqalar va akademik mobillik boʻyicha xizmat koʻrsatish sektori boʻyicha:

oʻqish joyidan ingliz tilida maʼlumotnoma berish;

turli xalqaro grantlar va akademik mobillik dasturlari boʻyicha maʼlumotlarni taqdim etish;

xorijlik talabalarga oliy taʼlim tashkilotidagi oʻquv jarayonlari haqida maʼlumot berish;

qoʻshma ta’lim dasturlari haqida ma’lumot berish va talabalar orasida targʻibot qilish;

xorijda oʻqish uchun “El-yurt umidi” jamgʻarmasi stipendiya tanlovi va xorijiy e’lonlar haqida ma’lumot berish;

xorijiy tillarni oʻrganish kurslari haqida ma’lumot berish.

Buxgalteriya va marketing boʻyicha xizmat koʻrsatish sektori boʻyicha:

ishga joylashgan bitiruvchilar haqida maʼlumotlarni rasman fakultet dekanlaridan olish va  tizimga va kiritish;

universitet reja-moliya boʻlimidan rasman aniqlangan toʻlov-shartnoma summasini tizimda hisoblash va taqdim etish, shuningdek, toʻlov-shartnomasi olish uchun ariza berishga koʻmaklashish;

talabalar oʻzlashtirish koʻrsatkichlari va boshqa hollar uchun stipendiya tayinlash boʻyicha (dekanat yoki oʻquv uslubiy boshqarma tomonidan taqdim etilgan) bildirgi asosida hemis platformasidagi natijalarga koʻra stipendiya buyrugʻini tayyorlash;

akademik qarzdor talabalar uchun qayta oʻzlashtirish boʻyicha toʻlov miqdorlarini tizim orqali aniqlash va tasdiqlash, qayta oʻqishga shartnoma olish uchun ariza berishga koʻmaklashish;

ijara subsidiyasi uchun tyutorlar bilan hamkorlikda ariza yozishga koʻmaklashish;

talabalarning yotoqxonalarga joylashishi uchun tyutorlar bilan hamkorlikda murojaat boʻyicha ariza berishga koʻmaklashish;

talabalarga ishga joylashish borasida universitet saytida tavsiyalar e’lon berib borish;

potensial ish beruvchilar roʻyxatini “Talabalar amaliyoti boʻlimi” bilan hamkorlikda shakllantirish va universitet sayti orqali talabalarga yetkazish.

davlat granti asosidagi bitiruvchilarni ishga taqsimlash va joylashishiga oid barcha zaruriy hujjatlar fakultet dekanlari, mas’ul kafedra mudirlari va “Talabalar amaliyoti boʻlimi” bilan hamkorlikda (ishga yuborilganlik toʻgʻrisida yoʻllanma, taqsimot komissiyasi qarori, shaxsiy taqsimot qaydnomasi) tayyorlash, rasmiylashtirish va bitiruvchilarga yetkazish.