22-avgust kuni Oʻzbekiston davlat jahon tillari universitetida hashar tashkil etildi

Dasturda universitet rektori Ilxomjon Tuxtasinov ham ishtirok etib, auditoriyalar, kutubxona, sport zali va yotoqxona bloklarining 2025/2026-oʻquv yiliga tayyorgarligini ko‘zdan kechirdi hamda mas’ullarga zarur topshiriqlar berdi.

Hashar davomida universitet jamoasi — rahbariyat vakillari va xodimlari birgalikda quyidagi ishlarni amalga oshirdi:
- Hudud va obodonlashtirish ishlari: yo‘lak va hovlilar supurildi, chiqindilar saralanib chiqarildi, daraxt va butalar parvarish qilindi, gulzorlar yangilandi.
- Auditoriya va binolar ichida: deraza va eshiklar yuvildi, parta va stullar ko‘zdan kechirildi va mahkamlandi, inventar sanog‘i olib borildi, doskalar tartibga keltirildi.
- Sanitariya-gigiyena: hojatxonalar to‘liq dezinfeksiya qilindi, ventilyatsiya va konditsioner filtrlar tozalandi, ichimlik suvi nuqtalari ko‘rikdan o‘tkazildi.
- Xavfsizlik choralari: o‘t o‘chirgichlarning yaroqliligi va muddatlari tekshirildi, evakuatsiya yo‘nalishlari yangilandi, elektr tarmoqlari ko‘rikdan o‘tkazildi.
- Axborot va texnologiyalar: kompyuter va proyektorlar tozalandi, dasturiy yangilanishlar o‘tkazildi, internet tarmog‘i va elektron tizimlar sinovdan o‘tkazildi.
- Kichik ta’mir va yangilanishlar: devoriy stendlar yangilandi, eshik tutqichlari va qulf-mexanizmlar tuzatildi, yashil hududlar kengaytirildi.

Mazkur xashar natijasida universitet hududi va auditoriyalari saranjom-sarishta holatga keltirildi, talabalarga yanada qulay va xavfsiz ta’lim muhiti yaratildi.