“EVRIKA” TANLOVI — “Texnika va IT texnologiyalar olami” yo‘nalishi finalistlari aniqlandi

Ilm-fan va innovatsiyalar sohasida o‘zining ilg‘or g‘oyalari bilan ajralib chiqqan yosh olimlar orasida O‘zbekiston davlat jahon tillari universiteti doktoranti (DSc) Mamatova Dilnoza Bekpo‘latovna ham finalistlar safidan munosib o‘rin egalladi.

Yosh olimimizni ushbu yutuq bilan samimiy tabriklaymiz!

“Evrika” mukofoti — 18–40 yoshli yosh olim mutaxassislarning fan, innovatsiya hamda jamiyat taraqqiyotiga qo‘shayotgan hissasini e’tirof etish maqsadida tashkil etilgan nufuzli tanlovdir. Final bosqichida ishtirokchilar o‘z loyihalarini taqdim etib, g‘oliblik uchun bahs olib boradilar.

Tanlov g‘oliblari BHMning 30, 20 va 10 baravari miqdorida pul mukofotlari, statuetka hamda sertifikatlar bilan taqdirlanadi.

Barcha finalistlarga final bosqichida omad tilaymiz!