10-oktyabr kuni oʻtkazilgan OʻzDJTU Kengashi davomida, an’anaga muvofiq, mukofot va ilmiy daraja olganlar ham taqdirlandi. Jumladan: 

 Moliya va iqtisod ishlari boʻyicha prorektor, iqtisod fanlari doktori (DSc), professor Abdullayev Suyun Ortiqovich Oʻzbekiston Respublikasi Oliy taʼlim, fan va innovatsiyalar vazirining 2024-yil 24-sentyabrdagi 352-sonli buyrugʻiga asosan, “Oliy ta’lim a’lochisi” koʻkrak nishoni bilan hamda Oʻrta Osiyo xalqlari tarixi instituti Turon Fanlar Akademiyasi Prezidiumining 2024-yil 28-iyuldagi 1/07-24-bayonnomasiga asosan, “Akademik” ilmiy unvoni berilgani bilan; 

 Ingliz filologiyasi fakulteti dekani, filologiya fanlari doktori, professor Ergasheva Guli Ismoilovna Oʻzbekiston Respublikasi Prezidentining Farmoniga muvofiq  1-oktyabr — Oʻqituvchi va murabbiylar kuni munosabati bilan taʼlim-tarbiya tizimida alohida oʻrnak koʻrsatgani uchun “Shuhrat” medali bilan;

 
 Rus filologiyasi fakulteti dekani, pedagogika fanlari doktori, professor v.b. Rahmonov Azizxon Bositxonovich 2024-yil 17-sentyabr kuni Mustaqil Davlatlar Hamdoʻstligi Gumanitar hamkorlik kengashi va MDH davlatlarining Gumanitar Hamkorlik Davlatlararo fondi tomonidan taʼsis etilgan “Hamdoʻstlik debyutlari” Xalqaro mukofoti bilan
taqdirlangani ta’kidlanib, rektor Ilxomjon Madaminovich tomonidan mukofot sohiblariga samimiy tabrik izhor etildi.

Shuningdek: 
 Pedagogika fanlari doktori (DSc) ilmiy darajasini beruvchi diplomni olganligi bilan Tarjimonlik fakulteti dekani Yoʻldoshev Ulugʻbek Ravshanbekovich; 
Pedagogika fanlari bo‘yicha falsafa doktori (PhD) ilmiy darajasini beruvchi diplomni olganligi bilan Ingliz tili 1-fakulteti Ingliz tili nazariy aspektlari №1 kafedrasi katta o‘qituvchisi Samiyeva Sayyora Ne’matovna;
Pedagogika fanlari bo‘yicha falsafa doktori (PhD) ilmiy darajasini beruvchi diplomni olganligi bilan Ingliz tili 3-fakulteti Ingliz tilini o‘qitish metodikasi №3 kafedrasi o‘qituvchisi Moydinova Elmira Kamariddinovna;

 Filologiya fanlari bo‘yicha falsafa doktori (PhD) ilmiy darajasini beruvchi diplomni olganligi bilan:
 Roman-german filologiyasi fakulteti Ispan tili amaliy fanlar kafedrasi kata o‘qituvchisi Narbayeva Gulnoza Xusanovna; 
 Tarjimonlik fakulteti Ingliz tili amaliy tarjima kafedrasi o‘qituvchisi Mamatkulova Saidaxon Shukurjonovna; 
Xalqaro jurnalistika fakulteti Axborot xizmati va jamoatchilik bilan aloqalar kafedrasi o‘qituvchisi Saidova Muhayyo Oʻktamovna taqdirlanib, ularga sovgʻa sifatida taqdim etilgan noutbuklarni qabul qilib oldi.