“Interdisciplinary Science Rankings”:  O‘zDJTU dunyo miqyosida 

21-noyabr kuni nufuzli xalqaro reyting tashkiloti The Times Higher Education (THE) “Schmidt Science Fellows” jamg‘armasi bilan hamkorlikda ilk bora “Interdisciplinary Science Ranking” (Fanlararo fan reytingi) natijalarini e'lon qildi. (https://www.timeshighereducation.com/interdisciplinary-science-rankings)  

O‘zbekiston davlat jahon tillari universiteti xalqaro Interdisciplinary Science Rankings 2025 reytingida REPORTЕR maqomiga (https://www.timeshighereducation.com/interdisciplinary-science-rankings#!/length/25/locations/UZB/sort_by/rank/sort_order/asc) sazovor bo‘ldi!

Times Higher Education tashkilotining eng yirik debyuti – Fanlararo fan reytingi (Interdisciplinary Science Rankings) oliy ta’lim muassasalari o‘rtasidagi keng ko‘lamli hamkorlikni rag‘batlantirish va global tadqiqot tashabbuslarini qo‘llab-quvvatlash maqsadida tashkil qilingan bo‘lib, unda 92 ta mamlakatdan 749 ta universitet ishtirok etdi.

Ushbu yutuqqa erishishda hissa qo‘shgan barcha xodimlarimiz va hamkorlarimizga chuqur minnatdorchilik bildiramiz. 

Mazkur natija Oʻzbekiston davlat jahon tillari universitetining xalqaro maydondagi nufuzini oshirish yo‘lida dastlabki qadam boʻldi. Bundan keyin ham yangi marralar zabr etilishiga ishonamiz!  

#THEunirankings #THEISR #THEISF