ICTWeek 2023 doirasida navbatdagi forum – DIGITAL EURASIA FORUM  boʻlib oʻtdi. Ushbu forumdagi panel muhokamasi axborot texnologiyalari sohasidagi zamonaviy tendensiyalarga oid masalalarni muhokama qilish uchun noyob ekspert maydonchasi boʻla oldi.

224- 27 oktabr kunlari boʻlib oʻtgan forum mamlakat axborot texnologiyalari tarmogʻining rivojlanishiga qaratilgan strategik yechimlar va dasturlarni ishlab chiqishga koʻmaklashdi. Shuningdek xalqaro ekspertlar tomonidan ziddiyatlar tahlili oʻtkazildi, rivojlanish salohiyati va uni amalga oshirish imkoniyatlari baholandi.

Forumda axborot texnologiyalari va kommunikatsiyalari sohasidagi davlat boshqaruvi organlari, korxona va tashkilotlar rahbarlari, xalqaro ekspert va tahlilchilar, yirik mahalliy va xorijiy IT-kompaniyalar vakillari qatnashmoqda. Ular orasida OʻzDJTU vakillari ham munosib ishtirok etdi deyish mumkin.