Ilmiy-seminar bo‘lib o‘tdi

Bugun, 2026-yil 8-yanvar kuni O‘zDJTU Ingliz tili ikkinchi fakultetida Yuldasheva Shahlo Shukraliyevna tomonidan professor-o‘qituvchilar uchun navbatdagi ilmiy-seminar tashkil etildi.

Seminar mavzusi:
“Ilmiy-tadqiqot faoliyati bilan shug‘ullanayotgan professor-o‘qituvchilar, doktorantlar va tadqiqotchilarning xalqaro ilmiy nashrlarda maqola chop etish bo‘yicha nazariy bilimlari va amaliy ko‘nikmalarini rivojlantirish”

Seminar davomida quyidagi masalalar atroflicha yoritildi:

— Scopus va Web of Science xalqaro ilmiy ma’lumotlar bazalarining talablari hamda reyting tizimi;
— xalqaro ilmiy jurnallar uchun maqola tayyorlashning tarkibiy va uslubiy jihatlari;
— nashr jarayonida uchraydigan muammolar va ularning yechimlari;
— xalqaro ilmiy nashrlarda maqola chop etish samaradorligini oshirish bo‘yicha amaliy tavsiyalar.

Seminar ishtirokchilarga ilmiy faoliyatini xalqaro miqyosda rivojlantirish borasida muhim bilim va tajribalar berdi.