UI GreenMetric World University Rankings 2025: OʻzDJTU O‘zbekistonda 2 ta yo‘nalish bo‘yicha 1-o‘rinni egalladi

UI GreenMetric World University Rankings 2025 natijalariga ko‘ra, O‘zbekiston davlat jahon tillari universiteti (UzSWLU) dunyoning eng kuchli TOP-600 oliy ta’lim muassasalari qatoridan munosib o‘rin egalladi.

Eng quvonarlisi, UzSWLU O‘zbekiston bo‘yicha ikkita asosiy barqarorlik yo‘nalishida mutlaq yetakchi sifatida qayd etildi:

WS – Chiqindilarni boshqarish bo‘yicha O‘zbekistonda 1-o‘rin

WR – Suv resurslaridan foydalanish bo‘yicha O‘zbekistonda 1-o‘rin

Bu natija universitetning ekologik boshqaruv, resurslardan oqilona foydalanish va kampusni yashil boshqaruv tamoyillari asosida takomillashtirish bo‘yicha olib borayotgan strategik islohotlari yuqori baholanganidan dalolat beradi.

⸻

UI GreenMetric 2025 natijalariga ko‘ra:

Umumiy ball: 6637.5
Dunyo reytingida: 569-o‘rin
O‘zbekiston bo‘yicha umumiy reytingda: 13-o‘rin

⸻

Yo‘nalishlar bo‘yicha UzSWLU natijalari:

Infratuzilma (SI): 685
Energiya (EC): 1140
Chiqindilar boshqaruvi (WS): 1275 — O‘zbekiston bo‘yicha 1-o‘rin
Suv resurslari (WR): 900 — O‘zbekiston bo‘yicha 1-o‘rin
Transport (TR): 1400
Ta’lim va tadqiqot (ED): 1237.5

Ushbu ko‘rsatkichlar universitetning ekologik mas’uliyat, chiqindilarni qayta ishlash, suvni tejash texnologiyalari, barqaror kampus siyosatlari bo‘yicha respublika miqyosidagi yetakchilar safida ekanini ko‘rsatadi.

⸻

Barqaror rivojlanishga sodiqlik

UzSWLU ekologik boshqaruvni oliy ta’lim jarayoniga chuqur integratsiya qilgan holda, fakultetlar, talabalar va jamoa uchun ekologik ong, resurslarni tejash, chiqindilarni kamaytirish va yashil infratuzilmani rivojlantirish bo‘yicha muntazam tashabbuslarni amalga oshirib kelmoqda.

⸻

Reyting natijalari bilan tanishish:
https://greenmetric.ui.ac.id/rankings/overall-rankings-2025 

⸻

OʻzDJTU jamoasini ushbu yutuq bilan tabriklaymiz!

O‘zbekiston bo‘yicha 2 ta yo‘nalishda 1-o‘rinni qo‘lga kiritish universitetimizning barqaror rivojlanish bo‘yicha milliy yetakchi sifatidagi mavqeini yana bir bor tasdiqlaydi.

Universitet yangi marralar sari qat’iyat va shijoat bilan intilishda davom etadi!