Back office bo'limi

Maʼlumotlar bazasi (back office) boʻlimi menejerlarining vazifalari va talablari:

Statistik maʼlumotlarni yuritish sektori boʻycha:

talabalar, resurslar, shartnomalar, mashgʻulotlar va talabalarning oʻzlashtirishi haqidagi turli xil statistik maʼlumotlarni umumlashtirish va tahlil qilish;

talabalarning kursdan kursga qolishi, talabalar safidan chetlashtirilishi va akademik taʼtilga chiqishi boʻyicha statistik maʼlumotlarni umumlashtirish va tahlil qilish;

oʻqishni koʻchirish va tiklashga tavsiya etilgan talabalarga oid statistik maʼlumotlarni umumlashtirish va tahlil qilish;

topshiriq va murojaatlarga asosan oliy taʼlim tashkiloti faoliyatiga doir statistik maʼlumotlarni taqdim etishga tayyorlash;

oliy taʼlim tashkilotlari tomonidan Statistika agentligiga taqdim etiladigan hisobot shakllarini yuritish;

bitiruvchilar toʻgʻrisida umumiy maʼlumotlar bankini shakllantirish;

bitiruvchilar bandligini ta’minlash hamda ishga joylashganligi boʻyicha olib borilgan monitoring yuzasidan maʼlumotlarni olish, umumlashtirish va tahlil qilish;

“HEMIS” axborot tizimiga kiritilayotgan statistik maʼlumotlarning toʻgʻriligini tahlil qilib borish.

Statistik maʼlumotlarni yuritish sektori menejerlariga kerakli ma’lumotlar yigʻish, umumlashtirish va qayta ishlash uchun soʻralgan ma’lumotlarni rasman taqdim etishda universitet tuzilmasidagi boshqa boʻlinmalar tamonidan taqdim etilgan ma’lumotlar asosida ishlashlari talab etiladi.

18. Oʻquv jarayonini muvofiqlashtirish sektori boʻyicha:

qabul qilingan talabalarni elektron tizimda roʻyxatga olish;

oʻqishga qabul qilingan xorijlik talabalarni elektron tizimda roʻyxatga olish va fanlarga biriktirish;

talabalar harakati (talabalar safidan chetlashtirish, kursda qoldirish, oʻqishini koʻchirish, akademik taʼtilga chiqarish va qaytarish, oʻqishini tiklash)ni muvofiqlashtirish va rasmiylashtirish;

talabalar oʻzlashtirish koʻrsatkichlari va boshqa hollar uchun stipendiya tayinlash boʻyicha (dekanat yoki oʻquv uslubiy boshqarma tomonidan taqdim etilgan) bildirgi asosida hemis platformasidagi natijalarga koʻra stipendiya buyrugʻini tayyorlash;

talabalarni kursdan kursga oʻtkazish;

talabalarning oʻzlashtirish koʻrsatkichini umumlashtirish va tahlil qilish;

talabalarning maʼlumot bazalarini shakllantirish va yangilab borish;

oʻqishni bitirgan talabalarni dekanat bilan hamkorlikda tegishli tartibda rasmiylashtirish;

19. Talabalar hujjatlarini yuritish va saqlash sektori boʻyicha:

oliy taʼlim tashkilotini tugatgan talabalar hujjatlarini  toʻplab yigʻma jildga tikish, roʻyxatga olish va arxivga qadar saqlash;

familiyasi oʻzgargan, akademik taʼtilga chiqqan, yoʻnalishni va fakultetni oʻzgartirgan, kursda qoldirilgan, talabalar safidan chiqarilgan talabalarning buyruqlaridan koʻchirmalarni talabalar bazasiga joylashtirish;

oʻqishni boshqa oliy taʼlim tashkilotiga koʻchirish munosabati bilan talabalar safidan chetlatilgan talabalarni hamma kerakli hujjatlarini talabaga yetkazish;

qatʼiy hisobdagi hujjatlar shakllarini (diplom, diplomga ilova, akademik sertifikatlar va boshqalar) taqdim etish;

qatʼiy hisobdagi blankalarini (diplom blankalari, akademik guvohnomalar, diplom ilovasi va boshqalar) qabul qilish, saqlash va berishni tashkil etish;

akademik qarzdor talabalarni dekanat bilan hamkorlikda aniqlash;

bitiruvchilarga berilgan diplomlarning haqiqiyligini tasdiqlash maqsadida doimiy ravishda https://OTT.mehnat.uz va http://d-arxiv.edu.uz platformalari orqali tashkilot va muassasalar bilan yozishmalarni amalga oshirish, yoʻqotilgan diplom va ilovalar oʻrniga dublikat berish toʻgʻrisidagi murojaatlarga javob qaytarish.