“Kelajakka qadam” – bitiruvchilar uchun muhim bosqich!

O‘zbekiston davlat jahon tillari universitetida “Kelajakka qadam” dasturi doirasida bitiruvchi bosqich talabalari ishtirokida davra suhbati tashkil etildi.

Tadbirda quyidagi mutaxassislar ishtirok etdi:

• Talabalar amaliyoti bo‘limi boshlig‘i T.Ismoilov
• Ingliz filologiyasi fakulteti dekani Yu.Azzamov
• “O‘zmilliybank” Uchtepa tumani BXK raisi I.Yoqubov
•  “Baliqchilik” restorani direktori F.Tog‘ayev
• Savdo-sanoat palatasi Toshkent shahar hududiy boshqarmasi bosh mutaxassisi X.Madaliyev
• “O‘zmilliybank” Chilonzor tumani BXK bosh mutaxassisi A.Olimova

Tadbir O‘zbekiston Respublikasi Prezidentining 2025-yil 14-fevraldagi PQ–61-sonli qarori ijrosini ta’minlash, mehnat bozoriga moslashuvchan, raqobatbardosh kadrlar tayyorlash maqsadida o‘tkazildi.

Davra suhbatida quyidagi mavzular muhokama qilindi:

• “Talabadan mutaxassisgacha: muammolar va imkoniyatlar”
•  “Professional rezyume va motivatsion xat yozish: xatoliklar va namunalar”
•  “Biznes g‘oyadan — real loyihagacha”

“Kelajakka qadam” dasturi doirasida moliyaviy ko‘mak yo‘nalishlari:

• “Kelajak uchun birinchi qadam” — 10 million so‘mgacha (startaplar uchun)
• “Kelajak uchun start” — 300 million so‘mgacha (kichik biznes va xizmatlar uchun)
• “Yorqin kelajak sari” — 1 milliard so‘mgacha (yirik, eksportbop loyihalar uchun)

Ushbu dastur – yoshlarning o‘z kasbiy yo‘nalishini aniq belgilab olishiga, mustaqil ish boshlashi va jamiyatda faol o‘rin egallashiga xizmat qiladi.